CXXX.

1325, August 18. Breslau.

Notariatsinstrument über den richterlichen Entscheid bezüglich des zwischen Kloster Kamenz und dem St. Vincenzstifte zu Breslau streitigen Patronatrechtes von Würben, zu Gunsten des ersteren.

In nomine domini amen. Sub anno nativitatis eiusdem millesimo CCC vicesimo quinto, XV. Kalendas Septembris, indiccione octava, in curia, honorabilis viri magistri Conradi, doctoris decrectorum, canonici et officialis Wrat., in presencia mei notarii infrascripti, et testium subscriptorum, constituti presencialiter, religiosus vir et venerabilis frater Johannes divina pacientia abbas monasterii sancti Vincencii prope Wratislaviam, ordinis Premonstratensis, de consensu sui conventus et nomine ipsius monasterii ex una, et discretus vir magister Franczco, advocatus consistori Wrat., verus et legittimus procurator, sindicus et actor monasterii in Kamencz, ordinis Cysterciensis, habens mandatum sufficiens ad infrascripta, nomine dicti monasterii, parte ex altera voluntarie, non per errorem, sed ex certa scientia super causa appellationis interposita, pro parte dicti monasterii sancti Vincencii a diffinitiva sentencia,, lata per dictum honorabilem virum, dominum Conradum, officialem Wrat., tamquam per loci ordinarium, pro ipso monasterio Kamencz, et contra monasterium de sancto Vincencio iam perdictum, super iure patronatus ecclesie de Wirbna prope Swidenicz, Wrat. dyocesis, ac super dampnis, expensis et interesse supradictam causam hinc et inde in lite et extra litem factis, habitis et secutis et generaliter super quibusvis aliis megociis vel controversiis, que quacunque racione vel causa erant, seu eciam possent inter ipsa monasteria accione premisse cause in posterum modo quolibet exoriri, in hoc compromisso expressis vel non, nomine predictorum monasteriorum concorditer conpromiserunt et consenserunt de alto et basso integraliter et in totum, ex parte amborum monasteriorum, videlicet Kamenz et de sancto Vincencio in honorabiles viros et discretos, dominum Conradum officialem predictum et Nycolaum de Watzcenrode, civem Wratislaviensem, electos, constitutos et ordinatos ac assumptos communiter ab eis, tamquam in arbitros, compromissarios, arbitratores, laudatores, diffinitores seu amicabiles compositores et communes amicos, sponte in se hoc arbitrium assumentes, dantes et concedentes eisdem nomine, quo supra, plenam et liberam potestatem, ut possint per se vel per alium, seu alios in premissis omnibus et singulis predictorum de plano sine strepitu et figura iudicii procedere, arbitrari, laudare, definire seu amicabiliter componere, quociens et quandocunque eis videbitur expedire ipsis partibus presentibus vel absentibus, vel una presente, et altera absente, vocatis vel non vocatis, die feriato vel non feriato, receptis probacionibus vel non receptis, stando vel sedendo, in scriptis vel sine scriptis, alte vel basse, prout ipsorum placuerit voluntati, et quod possint suum arbitrium, dictum laudum, sive pronunciacionem, semel vel plur[i]es interpretari et declarare, si ipsis videbitur expedire. Promiserunt insuper supradictorum monasteriorum nomine per sollempnem stipulacionem ad invicem, dicti, abbas de sancto Vincencio pro se et suis successoribus et magister Franczco, parere, stare, et obedire ipsorum banno, laudo, dicto, pronunciacioni, arbitrio seu precepto, per eos vel de mandato ipsorum per alios sibi factis, et mox eis prolatis emologare, approbare et in nullo contravenire, quacunque racione vel causa, ingenio sive modo, verbo vel facto per se ipsos vel interpositas personas, vel personam, publice vel occulte, que inter ipsa monasteria predicta super premissis aut premissorum aliquo dixerint, fecerint, pronunciaverint, diffiniverint seu fuerint arbitrati. Et quod contra ipsorum preceptum vel arbitrium ipsi vel aliquis ipsorum monasteriorum nomine non appellabunt nec appellacionem prosequentur, nullum rescriptum vel privilegium pen se ipsos vel per alium seu alios specialiter inpetrabunt, nec utentur eciam inpetratis, nulla excepcio iuris vel facti, per ipsorum aliquem, monasteriorum nomine opponetur, et beneficium restitutionis in integrum non petent, nec illud per superiorem aliquem seu iudicem emendari aut corrigi supplicabunt; quotquot non utentur legis, canonis, statuti, aut consuetudinis aut privilegii generalis vel specialis beneficii, quod vel ex personis arbitrorum seu ipsorum monasteriorum, vel ex forma arbitrii sive conpromissi, seu etiam ex rebus et causis, de quibus inter ipsa monasteria conpromissum est, sine quacunque alia racione hoc presens conpromissum vel arbitrium in toto vel in parte viciet, seu infirmare vel viciare valeat quoquomodo, vallantes nichilominus dicte partes nomine, ut supra, huiusmodi conpromissum pena excommunicationis ferende in . . abbates et priores dictorum monasteriorum, qui pro tempore fuerint, ac pena quatuor marcarum auri boni, que quidem excommunicationis pena per dominum . . officialem Wratislaviensem, qui fuerit pro tempore, ferenda est in abbatem et priores monasterii, arbitrium seu compromissum in toto vel in parte non servantis, aut contra ipsum arbitrium per se vel per alios seu alium venientis, quacunque fraude vel dolo seu machinacione, publice vel occulte. Et de predicta quatuor marcarum auri pena duas marcas auri parti servanti arbitrium, alias quoque duas marcas fabrice ecclesie sancti Johannis apud Wrat. pars arbitrium non servans solvere teneatur; addicientes eciam, quod pena predicta quociens contra premissa vel aliquid premissorum ab altero ipsorum monasteriorum actum fuerit, vel prefatum arbitrium, laudum seu dictum integre non fuerit observatum, in omnibus et singulis suis capitulis, in solidum commutatur, ac eciam exigatur commissa, qua soluta vel non soluta, dampnis expensis et interesse resarcitis vel non, predicta omnia et singula ac predictum laudum, compromissum et arbitrium in sua permaneat firmitate, et laudo, arbitrio seu dicto eciam rato manente pena nichilominus peti possit, renunciantes nichilominus nomine, quo supra, sub penis predictis omni beneficio legis, canonis, privilegii, statuti, consuetudinis, appellationis, emendacionis, correctionis, excepcionis et integrum restitutionis per quod in toto vel in parte, a pena et observacione dicti arbitrii seu precepti ac a restitucione dampnorum, expensarum et interesse possent quomodolibet liberari. In maiorem autem certitudinent huius rei et evidentiam pleniorum prefati domini, Conradus videlicet officialis et Nycolaus de Waczcenrode, necnon abbates predictorum monasteriorum sigilla sua presentibus voluerunt appendi. Actum, anno, die, loco et indiccione superius annotatis, presentibus: honorabili viro domino Henrico de Baruth, preposito Wratislaviensi, magistro Nycolao de Ratibor, olim advocato consistorii Wrat., Sydilmanno publico notario, Henlino filio olim Hildebrandi monasterii Wrat., necnon religiosis viris Thilmanno et Thilmanno, ac Friderico fratribus dicti monasterii de Kamencz, testibus ad hoe vocatis et rogatis.
Signum notarii.
Ego Theodricus quondam Theodrici senioris de Hartmansrode, Halbirstadensis dyocesis, nunc scriba actorum consistorii Wratislaviensis, imperiali auctoritate publicus notarius, conpromisso, promissis, penarum adiectionibus, renunciacionibus, exceptionibus et generaliter omnibus et singulis in huius conpromisso contentis, presens interfui, et ea omnia de mandato honorabilis viri domini mei magistri Conradi, officialis predicti, scripsi et in publicam formam redegi, meoque signo consueto et nomine consignavi.

Or. Perg. Grüssau 56 im staatsarchive. An Pergamentstreifen das Siegel des Abtes des St. Vincenzstiftes zu Breslau (Abt in gewöhnlicher Darstellung, rechts und links, zu den Füssen ein freischwebender Stern. Umschrift: S. ABBATIS . ECLIE . SCI . VINCENCII. Ovale Form des S.; vgl. Pfotenhauer, Siegel S. 20. (A. XI. 75.)), und das Siegel des Nicol. Watzenrode (kleines S., rund und schlecht gestochen, stellt anscheinend eine Hausmarke dar). Das 3. S., des Officials Konrad, fehlt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.